Fransiýa aerokosmiki pudagy goldamak üçin 15 mlrd ýewro bölüp aýyrýar

Fransiýanyň maliýe we ykdysady ministri Brýuno Le Mer COVID-19 pandemiýasy sebäpli agyr ýagdaýa düşen ýurduň aerokosmiki pudagyny goldamak üçin döwlet tarapyndan 15 mlrd ýewronyň bölünip aýrylýandygy barada habar berdi. Muny delovoe.tv ýetirýär.
“Bu senagat çökgünligiň nämedigini bilenokdy. 30 ýyl töweregi ol yzygider ösüşi görkezdi. Çökgünlik bu ösüşiň arasyny kesdi” – diýip, ministr belleýär. Ministriň öz twitterinde habar bermegine görä, senagaty halas etmek meýilnamasy üç bölekden ybarat: iş orunlaryny saklamak, ortaça kärhanalary goldamak, ykdysady ýitgini azaltmak. “Eger-de biz döwlet kömegini bermesek, onda ýylyň ahyryna çenli 100 müň iş ornuny ýitirip bileris” – diýip, ministr aýdýar. Ikinji bölüm serişdelerinden biznes peýdalanyp biler ýaly döwletiň gatnaşmagynda dürli fondlary döretmegi öz içine alýar. Şeýlelik bilen, iýun aýynda eýýäm iki fond dörediler. Olaryň birinjisini Fransiýanyň hökümeti Airbus, Safran, Dassault we Thales dört sany senagat ägirtleri bilen bilelikde döredýär.
Goldawa gönüden-göni Airbus SE Ýewropanyň reaktiw uçarlaryny we Safran SA hereketlendirijilerini öndürijiler, Thales SA gorag topary we kiçi göwrümli ýüzlerçe fransuz ýola goýujylary eýe bolar.
Belli bolşy ýaly, ykdysadyýetiň beýleki böleklerindäki ýaly awiasion sektorynda hem gysga möhletli iş shemalary we döwlet tarapyndan kepillendirilen karz eýýäm giňden ulanylýar. Air France kompaniýasy döwlet kömegi görnüşinde we döwlet tarapyndan kepillendirilen göni karz görnüşinde 7 mlrd ýewro aldy. Airbus uçarlaryň ýewropa öndürijisi özüniň önümçilik görkezijilerini, takmynan, 30% kemeltdi.