ABŞ ledokol flotuny gurmakçy bolýar

ABŞ-nyň prezidenti Donald Tramp Arktika we Antarktika üçin ledokollaryň gurluşygy boýunça 60 günüň içinde meýilnama taýýarlamagy tabşyrdy. Bu barada döwlet ýolbaşçysynyň memorandumynda aýdylýar. Muny profile.ru ýetirýär. Memorandum Pentagona, Döwlet departamentine, söwda we içki howpsuzlyk ministrligine, şeýle-de prezidentiň administratiw-býujet edarasyna gönükdirildi. ABŞ-nyň ledokol floty azyndan agyr klasly üç gämiden ybarat bolar diýlip çaklanylýar.
“ABŞ biziň milli isleglerimizi Arktikada we Antarktikada goldajak polýar howpsuzlygyny üpjün etmek üçin ledokol flotuny satyn almak meýilnamasyny işläp taýýarlar we amal eder” – diýlip, Trampyň onuň edarasynyň agzalaryna gönükdirilen memorandumynda aýdylýar.
ABŞ-nyň içki howpsuzlygy ministrine kenarýaka goragynyň komendanty we goranma ministri hem-de energetika ministri bilen PSC agyr klasly azyndan üç ledokoldan ybarat boljak polýar flotunyň ulanylyş bähbitlerini we töwekgelçiligini deňeşdirmek gerek. Ledokollaryň iň gowy şertlerde esaslandyrylmagy üçin Donald Tramp ABŞ-nyň territoriýasynda iki bazany we iki sany halkara bazany gözlemegi tabşyrdy. Şeýle-de, Tramp ABŞ-nyň hususy ledokol floty bolýança, şeýle gämileri beýleki ýurtlardan kärendesine almak mümkinçiligini öwrenmegi tabşyrdy.
Häzirki wagtda ABŞ-da ulanylyşa 1976-njy ýylda girizilen diňe bir agyr ledokol Polar Star we ulanylyşa 2000-nji ýylda girizilen bir ortaça ledokol Healy bar. Russiýada häzirki wagtda 40 ledokol, Finlýandiýada ýedi, Kanadanyň we Şwesiýanyň hersinde alty ledokol hasaba alynýar. 2019-njy ýylyň maýynda Donald Tramp Arktika bütin ýylyň dowamynda baryp biler ýaly amerikan flotunyň ledokollar bilen üstüni ýetirjekdigini habar berdi.