Germaniýanyň kansleri Angela Merkel koronawirus pandemiýasy sebäpli “GFR-iň taryhynda iň agyr” çökgünlige sezewar bolan ykdysadyýeti işjeňleşdirmek üçin 130 milliard ýewro möçberinde çäreler toplumyny maslahatlaşdy. Bu barada kulturomania.ru habar berýär. Bu serişdeler 2020-2021-nji ýyllar aralygynda pandemiýa sebäpli dargama derejesine ýeten pudagy goldamaklyga kömek etmeli.
Bu toplumdan 1 mlrd ýewrony medeniýet pudagyny goldamak üçin bölüp aýyrmak meýilleşdirilýär. Pul “Medeniýet üçin täze başlangyç” meýilnamasynyň çäklerinde ýaýradylar. 250 mln ýewro býujetden daşary medeniýet edaralaryna we başlangyçlara gönükdiriler, 450 mln ýewro saz, teatr we kino gurşawyndaky hususy taslamalara gider, 30 mln ýewro töweregi pul çeperçilik galereýalary we neşir edijiler üçin bölünip aýrylar, 150 mln ýewro bolsa sanly taslamalara sarp ediler. Medeniýet we sungat pudagyny goldamaklyga gönükdirilen ýene-de bir çäre — goşmaça baha salgytlaryň 19%-den 16%-e çenli peseldilmegi bolar.
Germaniýa medeniýet pudagyny goldamak üçin 1 mlrd ýewro bölüp aýyrar
- 09.06.2020 15:56
- 2.8k+
