Türkmen-eýran serhedinde «Sarahs-Sarahs» barlag-gözegçilik nokadynda Tejen derýasynyň üstünden geçýän täze awtomobil köprüsi ulanyşa girizildi. Açylyş dabarasyna Eýranyň ýol we şäher gurluşyk ministri Mohammad Eslami gatnaşdy, diýip ORIENT agentligi IRNA agentligine salgylanyp habar berýär. Köpriniň uzynlygy 96 metre, ini – 15,1 metre barabardyr.
«Eýran-türkmen serhedindäki täze köprüden her günde müňe golaý ýük awtoulaglary geçer» diýip, Eslami duşenbe güni geçirilen açylyş dabarasynda belledi.
Eslaminiň bellemegine görä, täze Türkmenistan bilen Eýranyň arasyndaky söwda-ykdysady gatnaşyklaryň derejesiniň ýokarlanmagyna getirer. Ol şeýle hem iki ýurduň umumy serhedinden demir ýol we awtomobil ulaglarynyň üstaşyr gatnawlarynyň hem ýakyn günlerde dikeldiljekdigini nygtady.
Türkmen-eýran serhedinde täze awtomobil köprüsi açyldy
- 09.06.2020 14:58
- 14k+
