31-nji maýda Aşgabatda Türkmen halysynyň umumymilli baýramyna bagyşlanan halkara sergi-ýarmarkasy açyldy. Bu iri pudaklaýyn gözden geçirilişi «Türkmenhaly» döwlet birleşigi bilen Söwda-senagat edarasy bilelikde gurady.
Söwda-senagat edarasynda guralan şu gezekki sergi-ýarmarkanyň çäklerinde diňe bir haly önümleri däl, eýsem, milli şaý-sepler, dokma önümleri, ýurdumyzyň kärhanalarynda öndürilýän başga-da köp sanly harytlar-- gymmatlyklaryň 120-den gowragy görkezildi. Oňa meşhur halyçylar, işewürler, iri söwda kompaniýalarynyň, türkmen halyşynaslarynyň bütindünýä jemgyýetiniň, medeniýet merkezleriniň ýolbaşçylary hem-de wekilleri gatnaşdylar.
Şu gezekki sergide muzeý gymmatlyklary we çeper elli halyçylaryň dokan häzirki zaman halylary görkezildi. Şeýle hem dabaranyň çäklerinde Gurbanguly Berdimuhamedowyň Permany bilen «Türkmenistanyň at gazanan halyçysy» diýen hormatly ada mynasyp bolan halyçylyk kärhanalarynyň işgärlerini sarpalamak çäresi boldy.
Sergi-ýarmarka we maslahat şu gün hem öz işini dowam edýär.
Aşgabatda halkara pudaklaýyn sergi-ýarmarka geçirilýär
- 01.06.2020 11:48
- 3k+
