Şu tomusda taryhda ilkinji gezek UFC ýaryşy Ak tamyň çäginde geçiriler. Indi ýaryşyň doly sanawy hem mälim boldy — guramanyň ýolbaşçysy Dana Uaýt UFC 326 ýaryşynyň dowamynda resmi duşuşyklary yglan etdi.
Agşamyň esasy wakasy ýeňil agramda çempionlyk guşagy ugrunda Iliýa Topuriýa bilen Jastin Getjinyň arasyndaky tutluşyk bolar. Bu söweş eýýämden diwizionyň iň garaşylýan duşuşyklarynyň biri hasaplanýar: söweşijileriň ikisi hem agras stili we möhletinden öň gazanýan ýeňişleri bilen tanalýar.
Esasy tutluşygyň öňüsyrasynda bolsa agyr agramda wagtlaýyn çempionlyk guşagy ugrunda söweş bolar. Oktagona öňki çempion Aleks Pereýra we fransiýaly agyr agramly pälwany Siril Gan çykar.
Ýaryşyň doly sanawy:
- Iliýa Topuriýa — Jastin Getji (Ýeňil agramda çempionlyk söweşi)
- Aleks Pereýra — Siril Gan (Agyr agramda wagtlaýyn guşak ugrundaky söweş)
- Şon O'Melli — Aýmann Zahabi
- Maurisio Ruffi — Maýkl Çendler
- Bo Nikal — Kaýl Dakas
- Diego Lopes — Stiw Garsiýa
Ýaryşy Amerikanyň Birleşen Ştatlarynyň garaşsyzlygynyň 250 ýyllygyna bagyşlap, 14-nji iýunda geçirmek meýilleşdirilýär. Bu sene ýurduň häzirki Prezidenti Donald Trampyň şahsy baýramy — onuň 80 ýaşyny doldurjak ýubileý güni bilen hem gabat gelýär.
