SpaceX kompaniýasynyň Crew Dragon älem gämisi Kanaweral burnundaky kosmodromdan üstünlikli uçurylyp, hasap orbitasyna çykdy. Bu barada Euronews agentligi habar berýär. Gäminiň bortunda astronawtlar — Duglas Hörli we Robert Benken bar. Älem gämisini uçurmak boýunça deslapky synanyşyk anna güni howa şertleri zerarly yza süýşürilipdi.
Bu waka soňky 9 ýylda ilkinji amerikan gämisiniň ilkinji uçuşydyr: soňky gezek 2011-nji ýylyň iýulynda «Atlantis» şattly uçuşy amala aşyrypdy. Şeýle hem bu gämi hususy älem kompaniýasynyň taryhda ilkinji amala aşyran uçuşydyr.
Häzirki wagtda ekipažlary HKS (halkara kosmos stansiýasyna) eltmek üçin rus «Soýuz» gämileri peýdalanylýar. NASA aýtmagyna görä, «Dregonyň» uçurylmagy bir ýarym esse arzan düşer. Şeýle hem amerikan gämisi bortuna ýedi adam alyp bilýär.
«Dregon» HKS-e ýekşenbe güni agşam baryp birikmeli.
Ilkinji hususy älem gämisi orbita uçuryldy
- 31.05.2020 18:33
- 6.3k+
