22 — 27-nji iýun aralygynda Daşoguz welaýatynda geçiriljek «Medeniýet hepdeliginiň» çäklerinde edebiýat, medeniýet we sungat işgärleriniň, höwesjeň aýdymçy ýaşlaryň hem-de zehinli çagalaryň arasynda yglan edilen «Türkmeniň Altyn asyry» döredijilik bäsleşiginiň jemleri jemleniler. Bu barada Ministrler Kabinetiniň Başlygynyň orunbasary B.Abdyýewa hökümet mejlisiniň barşynda habar berdi.
Bellenilişi ýaly, şu günler ýörite döredilen toparyň agzalary «Türkmeniň Altyn asyry» bäsleşiginiň dürli ugurlar boýunça türkmen medeniýetiniň hem-de sungatynyň ösmegine uly goşant goşýan ukyply we zehinli döredijilik işgärleriniň iň oňat işlerini saýlap alýar.
Şeýle hem mejlisiň barşynda «Ýaňlan, Diýarym!» telebäsleşiginiň Aşgabat şäher we welaýat tapgyrlaryna şu ýylyň iýul aýyndan başlamagyň göz öňünde tutulýandygyny habar berildi.
«Türkmeniň Altyn asyry» döredijilik bäsleşiginiň jemleri 22-27-nji iýunda jemleniler
- 30.05.2020 14:13
- 4.9k+
