Türkmenistanyň Prezidenti Goşulyşmazlyk hereketiniň COVID-19 boýunça geçiren duşuşygyna gatnaşdy

Türkmenistanyň Prezidenti Gurbanguly Berdimuhamedow Goşulyşmazlyk hereketiniň COVID-19 ýokanjyna garşy durmak boýunça Utgaşdyryjy toparyň sanly wideoaragatnaşyk arkaly geçirilen ýokary derejedäki duşuşygyna gatnaşdy.
Onuň gün tertibine häzirki döwürde tutuş dünýä jemgyýetçiligi üçin täze, çynlakaý wehime öwrülen koronawirus pandemiýasyna garşy göreşmek boýunça umumy tagallalary utgaşdyrmak meseleleri girizildi.
Sammite Goşulyşmazlyk hereketiniň häzirki başlygy — Azerbaýjan Respublikasynyň Prezidenti Ilham Aliýew, Birleşen Milletler Guramasynyň Baş Assambleýasynyň 74-nji mejlisiniň Başlygy Tijani Muhammad-Bande, Bütindünýä saglygy goraýyş guramasynyň bş direktory Tedros Adhanom Gebreýesus we Afrikan bileleşiginiň toparynyň başlygy Musa Faki Mahamat, Birleşen Milletler Guramasynyň Baş sekretary Antoniu Guterriş, Ýewropa Bileleşiginiň daşary işler we howpsuzlyk syýatasy boýunça ýokary wekili, Ýewrokomissiýaanyň Başlygynyň orunbasary Jozep Borrel, 40-dan gowrak döwletleriň ýolbaşçylar gatnaşdy.