Ýodlaşdyrylan duz infarktdan we insultdan gowy kömek edip biler

Bu duýdansyz açyş birnäçe barlag geçirijiler tarapyndan edildi. Alymlar adaty duzuň nahar bilen kabul edilen ýagdaýynda ýodlaşdyrylan duza çalşyrylmagynyň ýürek-damar keselleriniň güýçlenmek ähtimallygyny peseldip biljekdigini anykladylar, bu barada infosmi.net habar berýär.
“Köp adamlar biziň günde näçeräk möçberde duz kabul edýändigimizi pikir etmeýärler. Biziň kompýuter modelimiz adaty duz ýodlaşdyrylana çalşyrylsa, ýylda ýürek-damar keselleri sebäpli 460 000, şol sanda insult sebäpli 208 000 we ýürek keseli sebäpli 175 000 ölümden gaçyp boljakdygyny görkezdi” – diýip, alymlar aýdýarlar.
Bellenilip geçilişi ýaly, ýod düzümli duz infarktyň we insultyň güýçlenmek howpuny peseldýär. Sebäbi şeýle duz kaliýniň uly möçberini saklaýar. Bu madda ýürek myşsalarynyň işine oňaýly täsir edýär, arterial basyş hem pese düşýär.
Hemmeleriň endik edinen natriý düzümli duzy kaliý düzümliden tapawutlylykda adam organizmi üçin hiç hili peýda bermeýär.
Alymlar natriýniň BSGG tarapyndan maslahat berlen normadan iki esse köp kabul edilýän ýeri bolan Hytaýda ýürek-damar keselleriniň sany baradaky maglumatlary seljerip gördüler. Şeýlelik bilen, 2015-nji ýylda HHR-de iki milliondan gowrak adam gan basyşynyň ýokarlanmagy sebäpli aradan çykdy.
Ýöne ýodlaşdyrylan duzuň peýdasy ony uly möçberde kabul edip bolýandygyny aňlatmaýar. Kaliýniň çendenaşa kabul edilmegi böwregiň işine ýaramaz täsir edip biler.
Türkmenistan halkara ölçeglere laýyklykda, 2004-nji ýylda Merkezi Aziýa ýurtlarynyň arasynda duzy ýodlaşdyrmak boýunça birinji orna çykdy. “Köp görkezijiler boýunça klaster barlaglarynyň” maglumatlaryna görä, ýurduň ilatynyň 97 göterimi ýodlaşdyrylan duz bilen üpjün edildi.