Türkmenistanda öndürilen azyk önümleri ýüklenen ynsanperwelik kömegi Owganystan Yslam Respublikasyna Farýab welaýatyna getirildi. Mälim bolşy ýaly, 30-njy aprelde Türkmenistanyň Prezidenti Owganystan Yslam Respublikasynyň halkyna ynsanperwer kömegini bermek maksady bilen, Oba hojalyk we daşky gurşawy goramak ministrligine hem-de Senagatçylar we telekeçiler birleşmesine degişli azyk önümlerini ynsanperwer kömegi hökmünde Owganystan Yslam Respublikasyna muzdsuz bermek hakynda Buýruga gol çekdi.
Goňşy ýurduň Farýab welaýatynyň häkimi we wekilleri türkmen halkynyň adyndan ýollanan kömegi minnetdarlyk bilen kabul etdiler hem-de Owganystan Yslam Respublikasynyň halkyna berýän hemmetaraplaýyn goldawy we ýardamy üçin Türkmenistanyň Prezidenti Gurbanguly Berdimuhamedowa ýürekden çykýan sag bolsunlaryny beýan etdiler.
Bu hoşmeýilli we sogaply çäre Türkmenistanyň hem-de onuň halkynyň parahatçylyk we ynsanperwerlik ýörelgelerine berk ygrarlydygynyň nobatdaky subutnamasydyr.
Türkmenistanyň iberen ynsanperwer kömegi Owganystanyň Farýap welaýatyna gelip gowuşdy
- 02.05.2020 22:56
- 7.7k+
