28-nji aprelde Maliýe we ykdysadyýet ministrliginde Halkara pul gaznasynyň synynyň sanly wideoaragatnaşyk arkaly geçirilen tanyşdyryş çäresinde Merkezi Aziýa we Kawkaz sebiti döwletleri üçin «Sebitleýin ykdysadyýetiň ösüşiniň geljegi» atly mowzuk ara alnyp maslahatlaşyldy.
Wideomaslahatyň barşynda hökümetler tarapyndan СOVID-19-yň milli ykdysadyýetlere täsirini azaltmak hem-de öz ýurtlarynda durnuklylygy pugtalandyrmak üçin ädýän ädimleri ara alnyp maslahatlaşyldy.
Hödürlenen synda dünýä hojalyk gatnaşyklary ulgamyny ösdürmegiň ugurlary seljerildi hem-de Merkezi Aziýa we Kawkaz ýurtlarynyň ykdysadyýetleriniň geljegi bilen baglanyşykly meselelere garaldy. Synda geljek ýyl üçin ösüşiň bahalarynyň üýtgemegi bilen baglylykda, HPG bu ugurda degişli çäreleri görmek maksady bilen, halkara hem-de sebit maliýe düzümleri bilen degişli işleri geçirýär.
Türkmenistanda Prezident Gurbanguly Berdimuhamedowyň baştutanlygynda ählumumy çökgünligiň ýurtlaryň ykdysadyýetleriniň ösüşine edýän ýaramaz täsirini azaltmak maksady bilen, giň gerimli işler alnyp barylýar. Bu çäreler halk hojalyk toplumynyň ähli ulgamlarynda oňyn görkezijileri üpjün etmäge ýardam etmelidir.
СOVID-19-yň milli ykdysadyýetlere täsirini azaltmak boýunça çäreler maslahatlaşyldy
- 29.04.2020 17:11
- 3.6k+
