27-nji aprelde Türkmenistanyň DIM-de ÝB-niň ýurdumyzdaky Adatdan daşary we Doly ygtyýarly ilçisi Diego Ruiz Alonso bilen geçirilen duşuşygyň çäklerinde Türkmenistanyň hem-de Ýewropa Bileleşiginiň arasyndaky köpugurly hyzmatdaşlygyň ýagdaýyna we geljegine garaldy.
Adatdan daşary ýagdaýlarda durnukly we ygtybarly halkara ýük daşamalaryny üpjün etmek boýunça Prezident Gurbanguly Berdimuhamedowyň teklibi esasy ara alnyp maslahatlaşylan meseleleriň biri boldy.
Ikitaraplaýyn hyzmatdaşlygyň oňyn häsiýete eýe bolmagy bilen baglylykda, duşuşyga gatnaşyjylar dürli ugurlarda amala aşyrylýan bilelikdäki taslamalary we maksatnamalary durmuşa geçirmek boýunça hem pikir alyşdylar.
Häzir dünýäniň ösüş meýillerini nazara almak bilen, energetika we ynsanperwer ulgamlary hem hyzmatdaşlygyň ileri tutulýan ugurlary hökmünde kesgitlenildi.
Diýego Ruiz Alonso Ýewropa Bileleşiginiň Merkezi Aziýa üçin ÝB-niň täze Strategiýasynyň maksatlarynyň hem-de wezipeleriniň çäklerinde Türkmenistan bilen has-da netijeli hyzmatdaşlyga umyt bildirýändigini aýtdy.
Türkmenistan bilen Ýewropa Bileleşiginiň hyzmatdaşlygynyň ugurlary maslahatlaşyldy
- 27.04.2020 23:06
- 2.4k+
