“Bawariýa” hususy maskalaryny satuwa çykardy. Klubyň habar bermegi boýunça, bir gije-gündiziň dowamynda klubyň alamaty bolan 100 müňden gowrak medisina maskalary satyldy. Bu barada rusfootball.info habar berýär.
Mýunhen kluby komanda üçin mahsus bolan reňkde maskalaryň toplumyny satuwa çykardy. 24 sagadyň içinde janköýerler 100 000-den gowrak maskany satyn aldylar, şunuň bilen baglylykda “Bawariýada” eltip bermäniň möhletiniň uzaldyljakdygy barada duýdurdylar.
Maskalaryň satuwyndan gelen girdejini “Bawariýa” koronawirus pandemiýasyna garşy göreşe kömek üçin futbolistler Joşua Kimmih bilen Leon Goreskanyň gurnan haýyr-sahawat gaznasyna iberer.
Ýatladyp geçsek, Germaniýada ähli futbol turnirleri koronawirus pandemiýasy zerarly saklanyldy. Öň, ýurduň hökümeti rugsat berse, Bundesliganyň 9-njy maýda dikeldiljekdigi habar berildi. Germaniýada 155 müňden gowrak koronawirus ýagdaýy hasaba alnan.
“Bawariýa” bir gije-gündiziň dowamynda 100 müňden gowrak dizaýnerçilik maskalaryny satdy
- 27.04.2020 16:11
- 3.8k+
