Halkara ahalteke atçylyk assosiasiýasynyň XI mejlisi 2021-nji ýylda Aşgabatda geçiriler

Halkara ahalteke atçylyk assosiasiýasynyň nobatdaky XI mejlisi 2021-nji ýylyň aprel aýynda Aşgabat şäherinde geçiriler. Degişli resminama Prezident Gurbanguly Berdimuhamedow Halkara ahalteke atçylyk assosiasiýasynyň X ýubileý mejlisiniň barşynda gol çekdi.
Resminamada bellenilişi ýaly, bu karar Halkara ahalteke atçylyk assosiasiýasynyň öňünde durýan wezipeleri üstünlikli amala aşyrmak, ahalteke bedewleriniň şan-şöhratyny has-da belende galdyrmak we atşynaslyk sungatyny ösdürmek, bu ugurda öňdebaryjy tejribeleri atçylyk pudagyna giňden ornaşdyrmak hem-de atşynaslaryň arasyndaky özara bähbitli hyzmatdaşlygyň gerimini giňeltmek maksady bilen, şeýle hem assosiasiýanyň müdiriýetiniň teswirnamasyna laýyklykda kabul edildi.
Şeýle hem Halkara ahalteke atçylyk assosiasiýasynyň daşary ýurtly agzalarynyň sanyny artdyrmak maksady bilen, degişli daşary ýurtlaryň hem-de Türkmenistanyň raýatlarynyň birnäçesi Halkara ahalteke atçylyk assosiasiýasynyň agzalygyna kabul edildi.