Amerikanyň Nýu-Ýork ştatynyň hökümeti täze koronawirus pandemiýasy şertlerinde onuň ýaşaýjylaryna uzak aralyk režiminde wideoaragatnaşyk boýunça nikadan geçmäge rugsat berýär. Şeýle bildiriş bilen gubernator Endrýu Kuomo žurnalistler bilen duşuşygynda çykyş etdi, duşuşyk onuň saýtynda görkezildi, bu barada Trend TACC-a salgylanmak bilen habar berýär.
“Şu gün biz adamlara uzak aralyk režiminde nika şahadatnamasyny almaga, kanselýariýa gullukçylaryna bolsa nikalaşma dabarasyny wideoaragatnaşyk boýunça geçirmäge mümkinçilik berjek permana gol çekeris” – diýip, ştatyň gubernatorynyň orunbasary Melissa DeRossa mälim etdi. “Gürrüň nika degişli halatynda, hiç hili sebäp bolup bilmez” – diýip, Kuomo onuň sözüniň üstüni ýetirýär.
Şonuň bilen birlikde ol COVID-19 ýaýrap başlanyndan bäri ýurtda aýrylyşýanlaryň sanynyň artandygyny, şol bir wagtda nikalaşmak boýunça görkezijiniň peselendigini belledi. Ýöne gubernetor bu görkezijiler barada anyk maglumatlary getirmedi.
Amerikan hökümetiniň, BSGG-nyň we beýleki resmi çeşmeleriň maglumatlary esasynda hasap çykarýan Jons Hopkinsiň Uniwersitetiniň maglumatlary boýunça, häzirki wagta çenli Nýu-Ýork ştatynda täze koronawirus zerarly 17 131 adam ýogaldy. 235 müňden gowrak adam bolsa kesellän.
Nýu-Ýork ştatynda wideoaragatnaşyk arkaly nikadan geçmäge rugsat edilýär
- 21.04.2020 23:55
- 5.5k+
