Hytaýyň jemi içerki önüminiň ösüşi pandemiýa sebäpli 6,8% pese düşdi

Pandemiýanyň ýaramaz täsiri netijesinde Hytaýyň ykdysadyýetiniň ösüş depgini ýanwar aýyndan mart aýy aralygynda -6,8%-e barabar bolmak bilen, otrisatel görkezijä eýe boldy. Bu barada HHR-iň Döwlet statistiki edarasy habar berdi, muny Trend TACC-a salgylanmak bilen ýetirýär.
2019-njy ýylyň birinji çärýeginde bu görkeziji 6,4%-e ýetdi.
Giňişleýin metbugat maslahatyndaky hasabatda bellenilişi ýaly, ýurduň jemi içerki önüminiň ösüş depgini üç aýyň içinde 20,65 trln ýuana barabar boldy (häzirki hümmet boýunça, takmynan, $2,92 trln). Degişli döwür boýunça agrar toplumy 3,2%, ýagny 1,02 trln ýuana çenli ($142,82 mlrd töweregi), senagat 9,6%, ýagny 7,36 trln ýuana çenli ($1,04 trln), hyzmatlar gurşawy 5,2%, 12,27 trln ýuana çenli ($1,73 trln) pese düşdi.
Hytaýda jemi içerki önümiň ösüş depgini ýuwaş-ýuwaşdan gowşaýar. 2017-nji ýylda ol 6,8%-e barabar boldy, 2018-nji ýylda bolsa 6,6%-e çenli peseldi, 2019-njy ýylda HHR-iň ykdysadyýetiniň möçberi 99 trln ýuana ($14,4 trln) barabar bolanda, ol 6,1%-e çenli pese düşdi.