Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 68-si hasaba alyndy.
Daşary ýurt puluna Şweýsariýadan, Maltadan, Gazagystandan, Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen dizel ýangyjyny hem-de binýatlyk ýagy satyn aldylar. Russiýanyň we Owganystanyň işewür toparlarynyň wekilleri «Türkmengaz» döwlet konserniniň ECO 93 kysymly awtobenzinini we polipropilenini satyn aldylar.
Bulardan başga-da, Russiýadan, Şweýsariýadan, Türkiýeden, Maltadan, Gyrgyzystandan, Owganystandan gelen telekeçilere daşary ýurt puluna el halylary we nah ýüplügi ýerlenildi. Geleşikleriň umumy bahasy ABŞ-nyň 33 million 977 müň dollaryndan gowrak boldy.
Manat serişdelerine Birleşen Arap Emirliklerinden, Türkiýeden, Hytaýdan we Owganystandan gelen işewürler jemi bahasy 2 million 684 müň manatlykdan gowrak dokma önümlerini satyn aldylar.
Ýurdumyzyň telekeçileri içerki bazar üçin jemi bahasy 35 million 149 müň manatlykdan gowrak «Türkmengaz» döwlet konserninde öndürilen ýokary dykyzlykdaky polietileni, polipropileni hem-de plastik poddonlary, pagta süýümini, haly önümlerini satyn aldylar.
Geçen hepde boýunça Türkmenistanyň birža täzelikleri
- 19.04.2020 11:00
- 7.2k+
