Onýyllygyň iň meşhur aýdymlarynyň 10-lugy düzüldi

Ekspertler onýyllygyň iň meşhur aýdymlarynyň 10-lugyny düzdüler. Sanawyň birinji orny “Гадкий я — 2” multfilmine saundtrek hökmünde ýazylan Farrel Uilýamsyň “Happy” aýdymyna degişli boldy. Britan çartlarynda bu aýdym meşhurlygy boýunça 8-nji orna eýe boldy. Reýtingiň ikinji setirini Adel “Rolling In The Deep” aýdymy bilen eýeledi. Aýdymçynyň şu kompozisiýasy bilen çykarylan ikinji albomy “Gremminiň” üç baýragyna eýe boldy.
Maroon 5 bilen Kristina Agileranyň bilelikde ýerine ýetiren “Moves Like Jagger” aýdymyna bolsa reýtingiň üçünji orny degişli boldy. Bu kompozisiýa öň amerikan çartynda birinji setiri eýeledi.
Onýyllygyň iň meşhur aýdymlarynyň onlugyna “I Gotta Feeling” aýdymy bilen Black Eyed Peas topary, King of Leon toparynyň aýdymy, Bruno Mars bilen Mark Ronsonyň “Uptown Funk” aýdymy, Daft Punkdan “Get Lucky” we Jastin Timberleýkiň “Can’t Stop The Feeling!” aýdymlary, şeýle-de One Republic toparynyň “Counting Stars” hem-de Si Lo Griniň “Forget You” aýdymlary girizildi, bu barada BBC neşirine salgylanmak bilen vm.ru habar berýär.
Bu reýting aýdymlaryň Beýik Britaniýanyň efirinde eşitdiriliş ýygylygyny hasaba almak bilen düzüldi.
Mart aýynyň ahyrynda “Яндекс.Музыка» adamlaryň izolýasiýa wagtynda näme diňleýändiklerini bilmek üçin ýörite derňew geçirdi. Onuň netijesinde öňdebaryjy orunda 2000-nji ýyllaryň hitleriniň we durmuşy ykrar ediji aýdymlarynyň durýandygy anyklanyldy. Ýöne sanawda gyzykly sesler hem bar. Meselem, bankomatdan kupýuranyň sesi, pişikleriň myrryldysy we ş.m.