Italiýada koronawirus ýaýrawynyň depgini peseldi

Italiýada koronawirus infeksiýasynyň ýaýrawynyň depgini haýallady, ýagny soňky günlerde kesellemegiň täze ýagdaýlarynyň sany bir müň üç ýüz togsan alta barabar boldy, bu bolsa öňkä garanda 10% pesdir. Bu barada 10-njy aprelde Italiýanyň raýat goragy Departamentinde habar berildi, diýip sovetov.su bu maglumaty ýetirýär.
Edaranyň maglumatlaryna görä, bu görkeziji bir aý üçin rekord bolup durýar. Ýöne ölüm bilen gutarmak sanynyň bäş ýüzden gowrak adam derejesinde saklanýandygy bellenilýär. Ýagny, geçen günlerde 570 adam ýogaldy. Ölüm bilen gutaranlaryň umumy sany 18849-a ýetýär, bu bolsa häzirki wagtda dünýäde iň ýokary görkeziji bolmagynda galýar. Ýurtda keseliň jemi 147,5 müň ýagdaýy hasaba alyndy.
Mundan başga-da, epidemiýanyň başlanan wagtyndan bäri gutulanlaryň umumy sany 30 müňden geçýär. Intensiw terapiýa bölümlerinde bejergi alýan ýarawsyzlaryň sany hem peselýär. Häzirki wagta çenli koronawirus boýunça 900 müňden gowrak testiň geçirilendigi aýdyňlaşdyrylýar.
10-njy apreliň maglumatlary boýunça täze görnüşli koronawirus bilen ýogalanlaryň sany dünýäde 100 müň adamdan geçdi. Şeýle maglumaty Jons Hokinsiň (ABŞ) uniwersiteti getirýär.
Epidemiýanyň başlanan ýeri bolan Hytaý bolsa koronawirusdan üstün çykylandygyny habar berýär. Hökümetiň maglumatlaryna laýyklykda, ýurtda jemi birnäçe müň keselli galdy, 83 müň keselliden bolsa 3,3 müňden gowragy ýogaldy. Epidemiýanyň ojagy Uhanda 76 günläp ýapyk duran çykyş ýollary açyldy.