Russiýa daşary ýurtlardan raýatlaryny alyp gaýtmak üçin awiagatnawlaryny dikeltdi

Russiýa daşary ýurtlardaky raýatlarynyň watanyna dolanyp bilmek mümkinçiligini guramak üçin 6-njy aprelden awiagatnawlaryny dikeldýär, diýip koronawirus infeksiýasynyň ýaýrawyna garşy göreşmek boýunça hökümetiň utgaşdyryjy geňeşi habar berýär.
Стопкоронавирус.рф saýtynda neşir edilen maglumatlara laýyklykda, 6-njy aprelde Bişkek – Ýekaterinburg we Dakka – Nižniý Nowgorod gatnawy boýunça ilkinji iki gatnaw dikeldiler. Geljekki uçuşlar baradaky maglumatlar стопкоронавирус.рф saýtynda we döwlet hyzmatlarynyň gosuslugi.ru portalynda neşir ediler.
27-nji martdan Russiýa raýatlaryny alyp gaýtmak boýunça gatnawlardan başga, beýleki ýurtlar bilen yzygiderli hem-de sargytlaýyn awiaaragatnaşyklaryny çäklendirdi, 4-nji apreliň ýarygijesinden bolsa COVID-19-yň daşardan gelme ýagdaýlarynyň ýurduň territoriýasyna täzeden ýaýramagyna ýol bermezlik maksady bilen russiýalylary daşary ýurtlardan alyp gaýtmak boýunça awiagatnawlary wagtlaýyn togtatdy, bu barada russian.rt.com habar berýär.
Russiýa Federasiýasynyň premýer-ministri Mihail Mişustin daşary ýurtlardaky russiýalylary öýüne dolamak üçin ähli şertleri ýola goýjakdygyny aýtdy.
Russiýanyň Daşary işler ministrliginiň maglumatlary boýunça, daşary ýurtda öýüne dolanmaga isleg bildirýän 25 müň sany rus raýaty bar.