Hytaý koronawirusy ýeňmegiň şanyna “Uhan” hemrasyny goýberer

Koronawirus infeksiýasynyň epidemiýasy hut “Uhan” şäherinden başlapdy, onuň ýaýrawyny ýaňy-ýakynda Hytaýda togtatmak başartdy.
Hytaý apreliň ahyrynda HHR-iň raýatlarynyň koronawirus epidemiýasy bilen göreşiniň şanyna “Uhan” diýlip atlandyrylan kosmiki hemrasyny orbita çykarmagy meýilleşdirýär. 
Bu uçurylyş “Kuaýçžou-1A” güýçli ýangyçly raketa göterijisiniň kömegi bilen amala aşyrylar – diýip “Ženmin žibao” gazeti habar berýär. Bu uçuş “Sinýun” täze sputnik programmasynyň başlangyjy bolmaly.
News.ru saýtynyň ýazmagyna görä, Ýewropanyň kosmiki agentligi Marsyň orbitasynda ýedi sany ylmy hemranyň işini gaýtadan dikeltdi. Öň olar koronawirus pandemiýasy zerarly saklanylypdy. Häzirki wagtda ýedi sany hemra işe girizilen. Ýagny, Ýeriň magnitosferasyny öwrenmek üçin dört sany apparat we Marsyň orbita stansiýalary. 
Hytaýda kosmiki giňişligi esaslandyrmak işine uly gyzyklanma bildirýärler. Hünärmenler tarapyndan hemişe meteorologiýa, telekommunikasiýa we nawigasiýa bilen bagly dürli hemralar döredilýär. Mundan başga-da, alymlar Marsy we Aýy öwrenmek bilen gyzyklanýarlar.
Hytaýda häzirki wagtda COVID-19 bilen kesellänleriň 94%-i gutuldy. Hassahanalarda 1562 adam bejergi almagyny dowam etdirýär. Täze keselleýänleriň sany gün geçdigiçe azalýar.