Fransiýa ABŞ-ny Hytaýdan sargyt eden maskalaryny satyn almakda aýyplady

Fransiýada ABŞ-ny Hytaýdan sargyt eden maskalaryny satyn almakda aýypladylar. Bu barada Grand-Est etrabynyň ýolbaşçysy Žan Rottner RTL telekanalyna habar berýär.
Onuň aýtmagyna görä, bu ýagdaý Hytaýda uçuş zolagynda bolup geçýär. Fransiýa hytaý kärhanalary bilen birnäçe million maskalary satyn almak barada gürleşipdi, ýöne amerikalylar soňky minutda bu sargytlary aldylar. “Olar uçuş meýdançasyna gelýärler we biziň sargytlarymyz üçin nagt görnüşde puly çykaryp, iki ýa-da dört esse gymmat töleýärler”- lenta.ru onuň sözlerini getirýär. Ol käbir sargytlaryň her näme-de bolsa sebite gelip gowşandygyny sözüniň üstüne goşýar we fransuzlary wirus bilen göreşmäge çagyrýar.
“Maska häzir seýrek haryda öwrüldi, şonuň üçin amerikalylar ony tapan ýerlerinden näçe bahadan bolsa-da satyn alýarlar. Olar önüme seretmezden iki esse nagt görnüşinde töleýärler” – diýip gazet çeşmeleriniň biri belleýär. Fransuz çinownikleri Ştatlaryň Hytaýdan 2-3 mlrd maska satyn alýandyklaryny belleýärler.
Pariž heniz Rottneriň günäkärlemesini resmi taýdan tassyklanok. 15-nji aprele çenli ýurduň ähli ýeri boýunça karantin dowam eder. Ýurtda eýýäm adamlaryň hereketine berk çäklendirmeler girizildi, kafeler, kinoteatrlar we azyk önümlerinden gaýry harytlar dükanlary ýapyldy. Gatnawlar hem ýurtda çäklendirilen.