Russiýa Federasiýasynyň Prezidenti Wladimir Putin Russiýadaky çylşyrymly epidemiologik ýagdaý bilen baglylykda, ýurduň ähli sebitlerinde dynç günlerini aýlyk haklaryny saklap galmak bilen aprel aýynyň ahyryna çenli uzaltdy. Bu barada Sibnet.ru saýty habar berýär. Ýagdaýlar gowulaşan ýagdaýynda dynç alyş günleri wagtyndan öň togtadylyp bilner.
«Epidemiýanyň dünýä boýunça, şol sanda ýurdumyzda ýetjek derejesi heniz öňde. Şunuň bilen baglylykda, boş günleriň möhletini aýyň ahyryna, ýagny 30-njy aprele çenli uzaltmak kararyna gelindi» diýip W.Putin ýurduň raýatlaryna ýüzlenmesinde belledi.
Russiýanyň Prezidentiniň nygtaýşy ýaly, dynç günlerinde işgärleriň «aýlyk haklary dolulygyna töleniler». «Iş ýerlerini we raýatlarymyzyň aýlyk haklaryny, hatda pandemiýa şertlerinde hem saklap galmak — hökümetiň esasy ileri tutýan ugry» diýip, Putin belledi.
W.Putin russiýalylar üçin dynç alşyň möhletini 30-njy aprele çenli uzaltdy
- 02.04.2020 21:36
- 11k+
