Hytaý senagaty ýurtda epidemiki ýagdaýyň gowulanmagy bilen öz işini çalt depginler bilen dikeltmäge başlady.
COVID-19 koronawirusy boýunça ýagdaýyň gowulanandygy sebäpli Hytaýyň senagat kärhanalary önümçiligi ortaça 98,6% dikeltdiler diýip duşenbe güni HHR-iň maglumatlaşdyrma we senagat ministriniň orunbasary Sin Gobin žurnalistlere habar berdi.
“28-nji martdaky ýagdaý boýunça ýurtda senagat kärhanalarynyň, önümçilik kuwwatynyň dikelmeginiň ortaça derejesi 98,6%-e ýetdi. Işgärleriň iş ýerlerine dolanmagynyň ortaça görkezijisi 89,9%-e barabar” – diýip ol belleýär.
Şeýle-de, kiçi we orta kärhanalaryň hem 76%-i Hytaýda öz işlerini dikeltdiler.
Şonuň bilen birlikde, runews24.ru saýtynyň habar bermegine görä, COVID-19-yň ojagyna öwrülen Hubeý welaýatynda-da senagat kärhanalary 95% işläp başlady we takmynan, işgärleriň 70%-i iş ýerlerine dolanyp bardylar. Mundan başga-da, bu welaýatda awiasiýa aragatnaşyklary dikeldildi, Uhanda bolsa metropoliten açyldy.
Bu wakanyň öňüsyrasy HHR-iň hökümeti ýurtda epidemiýany togtatmagyň başa barandygyny habar berdi. Koronawirus bilen kesellänleriň 93%-i hassahanalardan çykaryldy.
Hytaý senagaty önümçiligini 98,6% dikeltdi
- 01.04.2020 08:00
- 5.8k+