Netflix Angry Birds boýunça multserial düşürer

Netflix kompaniýasy Angry Birds oýnunyň esasynda multiplikasion multfilmini çykarmagy meýilleşdirýär.
Täze multserial “Angry Birds: Tomusky dälilik” diýlip atlandyrylar. Möwsümde jemi 40 epizod hödürleniler. Her bir seriýa dowamlylygy boýunça, takmynan, 11 minuda barabar bolar.
Sýužet guşlar-ýetginjekler üçin niýetlenilen gazaply bürgüdiň ýolbaşçylyk edýän tomusky lageri barada gürrüň berer.
Netflix-iň habar bermegine görä, munuň esasy gahrymanlary ýetginjekler bolup çykyş edýän Red, Bomb we Çak guşlary bolar. Tomusky lagerde bolmak bilen olar kölüň beýleki tarapynda ýaşaýan we töweregindäki ähli zatlary ýumurmak isleýän “erbet doňuzlar” bilen göreşmäge başlarlar.
Angry Birds oýny sanly gurluşlar üçin 2009-njy ýylda goýberildi (gatnaşyjylar ýaýyň kömegi bilen ganatsyz guşlary doňuzlaryň oturan ýerine goýberýärler. Esasy wezipe – garşydaşy ýok etmek we mümkin boldugyndan köp utuk gazanmak). Bu programma we onuň soňky wersiýalary örän meşhur boldy we netijede 2016-njy ýylda “Angry Birds kinoda” atly doly mertažly film ekrana çykdy, 2019-njy ýylda bolsa onuň dowamy çykaryldy.
Multserialyň premýerasy 2021-nji ýyla meýilleşdirilen.