27-nji martda Prezident Gurbanguly Berdimuhamedow Daşoguz welaýatyna iş saparyny amala aşyryp, sebitiň baş metjidinde berlen sadaka gatnaşdy.
Daşoguz welaýatynyň baş metjidinde milli Liderimize Mekgeden ýadygärlik sowgady hökmünde iberilen keramatly Käbäniň ýazgysy bolan örtük goýuldy.
Bu ýerde şeýle hem keramatly teperrik goýuldy. Mälim bolşy ýaly, bu mukaddeslik ähli sebitleriň ilatynyň tagzym etmegi üçin ýurdumyzyň ähli metjitlerinde goýulýar.
Soňra hormatly Prezidentimiz ýurdumyzyň müftüsi we Daşoguz welaýatynyň baş metjidiniň ymamy bilen bilelikde metjidi synlap, onuň binagärlik we bezeg aýratynlyklary, bu ýerde döredilen şertler bilen tanyşdy.
Gurbanguly Berdimuhamedow metjitden çykyp, sadaka bermek üçin niýetlenen bina tarap ugraýar. Bu ýerde Gurbanguly Berdimuhamedow özüniň jöwher paýhasyndan kemal bolan, Türkmenistana, onuň gadymy we şu günki taryhyna, baý medeni mirasyna, mähriban topragymyzyň tebigatyna bagyşlanan ajaýyp eserlerinden düşen galamhakynyň serişdeleriniň hasabyna sadaka berdi.
Gurbanguly Berdimuhamedowyň belleýşi ýaly, türkmen we özbek halklaryny gadymdan gelýän dost-doganlyk gatnaşyklary baglanyşdyrýar. Ine, şu gün hem biz bir saçagyň başynda agzybirlikde jem bolup otyrys.
Soňra ýurdumyzyň müftüsi tebärek çykandan soň, nahar çekildi. Tagam dadylyp, aýat-töwir edildi.
Gurbanguly Berdimuhamedow Daşoguz welaýatynyň baş metjidinde sadaka berdi
- 27.03.2020 22:03
- 8k+
