“Arashi” ýapon pop-toparynyň albomy dünýäde iň köp satylýan albom boldy

Novostivl.ru  saýtynyň habar bermegine görä, “Arashi” ýapon toparynyň aýdymçylarynyň ýygyndysy toparyň bu orna mynasyp bolan ilkinji albomy bolmak bilen 2019-njy ýyl boýunça iň köp satylan albom boldy.
Kyodo informasion agentliginiň maglumatlary boýunça, pop-topar umumy alanyňda özüniň iýunda çykarylan “5x20 All the Best!! 1999-2019” albomynyň we oktýabrda satuwa goýberilen wideo ýygyndysynyň 3,30 mln nusgasyny satdy. 
Amerikan aýdymçysy Teýlor Swiftiň “Lover” albomy ikinji orny eýeledi, özüniň plastinkasyny aýdymçy “özüniň tutuş manysynda, bulam-bujarlykda we rahatlykda söýginiň baýramy” diýip atlandyrdy. Onuň premýerasy 23-nji awgustda geçirildi. Onuň yzyndan bolsa BTS günorta koreý toparynyň “Map of the Soul Persona” albomy ýerleşdi.
Ýaponiýada ses ýazyjy senagat Assosiasiýasynyň maglumatlaryna görä, ýurtda Arashi toparynyň albomynyň iki mln-dan gowrak we wideoklip ýygyndysynyň 750 müňden gowrak nusgasy satyldy.
Arashi – Ýaponiýada iň meşhur aýdym-saz toparlarynyň biri, onuň ady ýapon dilinden terjime edilende “tupan” diýen manyny berýär. Bu topar 1999-njy ýylyň sentýabrynda Gonolulda döredilýär. 
Belli edilişine görä, 2021-nji ýyldan başlap topar näbelli möhlet bilen özüniň işini bes etmekçi bolýar.