Netflix we YouTube Ýewropada translýasiýalaryň hilini peselderler

Netflix striming-serwisi adamlaryň köp böleginiň koronawirus pandemiýasy zerarly öýde galýan wagtlarynda tora düşýän agramy azaltmak üçin Ýewropada görkezilýän wideolaryň hilini bir aýlap peselder. Kompaniýa ulanyjylary wideonyň hiliniň barybir gowy boljakdygyna ynandyrýar. Bu barada kompaniýanyň bildirişine salgylanmak bilen Wedomosti gazeti habar berýär.
“Netflix biziň Ýewropadaky ähli akymlarymyzda maglumatlary iberijiligiň tizligini peseltmäge başlamak kararyna geldi. Biziň hasaplamalarymyz boýunça, bu Netflix trafigini Ýewropa torlarynda, takmynan, 25% kemelder we biziň ulanyjylarymyz üçin ýokary hilli serwisi üpjün eder” – diýlip, kompaniýanyň bildirişinde bellenilýär.
19-njy martda Netflix-iň we YouTube-dan başlap beýleki serwisleriň HD-wideodan ýüz öwürmekligini sorap içki bazar meseleleri boýunça ýewrokomissar Týerri Breton ýüz tutdy. Özüniň Twitter sahypasynda ol beýleki striming serwisleriniň we tehnologik kompaniýalaryň wekilleri bilen gepleşikleri geçirendigini habar berdi.
Breton koronawirus pandemiýasyny ýeňmek üçin adamlar öýde galmaly bolýandygyny, munuň bolsa infrastruktura agram düşmegine getirýändigini belleýär.
“Hemmeler üçin internet-elýeterliligini saklar ýaly, geliň, HD zerurlyk ýok wagty standart çözgüde geçeliň” – diýip ýewrokomissar belleýär.
Kartinkanyň hilini çäklendirmek möhleti häzirlikçe 30 güne göz öňüne tutulan.