Ýewropada Huawei Music serwisi işe girizildi

Huawei hytaý kompaniýasy Google-iň firma serwislerinden barha daşlaşýar we özüniň hususy alternatiwalaryny taýýarlaýar. Olaryň biri hem ýaňy-ýakynda Ýewropada işe girizilen Huawei Music aýdym-saz çeşmesi boldy, bu barada igromania.ru belläp geçýär.
Mobil programmasy birnäçe dillerde elýeterli, şeýle-de ol Spotify we şuňa meňzeş beýlekiler bilen bäsdeşlik etmek üçin ýeterlik derejede kontenta eýe bolmaly. Bellenilip geçilişi ýaly, bu hytaý kompaniýasyna onuň smartfonlaryny satyn alyjylara Google hyzmatlaryna we tehnologiýalaryna elýeterlikde ABŞ tarapyndan gadaganlygyň bar wagtynda hem öňki ýaly şol bir mümkinçilikleri hödürlemäge kömek eder. Bu programma Huawei we Honor smartfonlarynda oturdylan. Ony AppGallery-dan ýa-da resmi sahypadan hem ýükläp almak bolýar. Huawei Music hem lokal faýllary, hem translýasiýa akymlaryny aýtdyrmaga mümkinçilik berýär. Onuň aýratynlyklarynyň arasynda “şagalaň režimi” we gurnalýan dizaýny bar. Elbetde, aýdym-saz kitaphanasynyň göwrümi boýunça Huawei Music Apple Music we bazaryň beýleki kompaniýalary bilen deňleşip bilmez, ýöne kompaniýa muny ýuwaş-ýuwaşdan düzeder.
Ýaňy-ýakynda Huawei habarlar serwisiniň üstünde iş alyp barmagyň çäklerinde Squid App şwed kompaniýasy bilen hyzmatdaşlyk edip başlady. Huawei Music serwisi aslynda 2018-nji ýylda işe girizildi, ýöne häzire çenli ol Ýewropada elýeterli däldi.
Belläp geçsek, Huawei kompaniýasy ABŞ-nyň sanksiýalarynyň astynda ýerleşýär we ol Google-dan programmalary öz gurluşlaryna oturdyp bilmeýär. Şonuň üçin hytaý bäsdeşi özüniň hususy programma üpjünçiligini we ulanyjylar serwisini işläp düzmeli bolýar.