“Ýuwentusyň” lideri Kriştianu Ronaldu ýene bir gezek özüniň päk ýüreklidigini görkezdi, indi ol COVID-19 koronawirus pandemiýasyna garşy göreşe goşuldy, bu barada football24.ua habar berýär.
Belli bolşy ýaly, COVID-19 koronawirus pandemiýasynyň merkezi Hytaýdan Ýewropa geçdi, köp ýurtlar karantine sezewar edildi, tas hemme milli çempionatlar hem saklanyldy. UEFA hem ýewrokubok ýaryşlaryny saklady we indi bolsa Ýewro-2020-ni yza süýşürmek mümkinçiligini gözden geçirýär.
Ýagny, UEFA Ýewropa çempionatyny 2021-nji ýyla süýşürmek barada resmi bildiriş aýdar. Bu barada championat.com portaly habar berýär. Şol sebäpli UEFA COVID-19 koronawirus epidemiýasynyň fonunda Ýewropa turnirleriniň ykbalyny çözmek üçin çäre gurnamakçy bolýar. Ol wideokonferensiýa görnüşinde 17-nji martda geçer. Oňa UEFA-nyň düzümine girýän 55 birleşikleriň wekilleri, ýewropa klublarynyň we ýewropa ligalarynyň ýolbaşçylary, şeýle-de professional futbolistleriň assosiasiýasynyň Halkara federasiýasynyň wekilleri çagyryldy. Maslahatyň barşynda milli we ýewrokubok turnirleri bilen bir hatarda şu ýylyň tomsunda geçirilmeli bolan Ýewropa-2020 çempionatynyň ykbaly çözüler.
Portugaliýada karantinde bolýan Kriştianu Ronaldu bu howply kesel bilen göreşmekde bir çetde durmady. Ýuwentusyň lideri öz oteller ulgamyny mugt peýdalanyp bolýan hassahana öwürýär. Lukmanlaryň, şepagat uýalarynyň we beýleki personallaryň işine Ronaldunyň özi tölär, bu barada “Marca” gazeti habar berýär.
Ýatladyp geçsek, koronawirus gönüden-göni Ýuwentusa hem aralaşdy, bu kesel “Ýuwentus”-yň goragçysy Daniele Rugana hem degdi.
Ronaldu öz myhmanhanalaryny hassahana öwürýär
- 17.03.2020 09:10
- 14k+
