Lukmanlar organizmi wirusdan goramak üçin gerek bolan önümleri aýtdylar

Ispaniýanyň lukmanlary immun sistemasynyň işine ýardam bermäge kömek etjek önümleri sanap geçdiler. Bu maslahatlaryň temperaturanyň tiz üýtgeýän döwürlerinde has hem möhümdigi bellenilip geçilýär.
Sanawyň başynda lukmanlar sarymsagy ýerleşdirýärler. Önüm tebigy antibakterial, antiwirus we garabaş keseline garşy serişde hasaplanylýar. Mundan başga-da, ekspertler rasiona E witaminine baý bolan badamy we dem alyş ýollaryny goraýan çernikany, beta-karotinli süýji ýeralmany we düzüminde witaminleri, minerallary, antioksidantlary we kletçatkalary saklaýan brokkoli goşmagy maslahat berýärler.
Sowuklama wagtynda lukmanlar towuk etinden ýa-da hindi towugyndan taýýarlanylan çorbany içmegi maslahat berýärler. Ol organizmde nemiň emele gelmeginden dyndarar. Immuniteti berkitmäge bolsa zenjebil, kurkuma, gök çaý we kefir kömek eder. Gök çaý antioksidantlaryň uly mukdarynyň kömegi bilen organizme uly peýda getirer.
Hünärmenler kömelegi, gara şokolady, sitrus miwelerini, nary, kiwini we ysmanagy hem peýdaly diýip atlandyrdylar.