Fransiýanyň hökümeti ýurtda bäş müňden köp adamyň gatnaşmagynda uly çäreleri geçirmegi gadagan etdi. Şonuň netijesinde mart aýynyň 20-sinden 23-i aralygynda geçirilmeli bolan, hasap boýunça 40-njy uly “Livre Paris” kitap sergi-ýarmarkasy hem ýatyryldy.
Ýekşenbe güni Luwr muzeýi näbelli möhletlere çenli ýapyldy. Muzeýiň wekiliniň habar bermegine görä, Luwruň direksiýasy Fransiýada koronawirus epidemiýasynyň howpy bilen baglylykda işgärler bilen maslahat geçirýär. Bu barada TASS habar berýär.
“Sanitar ýagdaýy we mümkin bolan öňüni alyş çäreleri zerarly muzeýiň açylyşy soňa goýulýar” – diýip, administrasiýa wekili mälim etdi. Ol maslahatyň dowam edýändigini hem belläp geçdi.
Muzeýiň wekilleri ýüze çykan oňaýsyzlyk üçin ötünç sorap, ýagdaýyň gidişi barada habar berjekdiklerini aýtdylar.
Fransuz Luwry dünýäde iň gelim-gidimli muzeý bolup durýar. Şonuň üçin muzeýiň professional birleşiginiň wekili Andre Sakristeniň bellemegine görä, işgärler üçin Covid-19 bilen kesellemek howpunyň derejesi ýokary, çünki her günde muzeýe dünýäniň ähli ýerinden müňlerçe adam gelýär.
Luwruň direksiýasynyň ýakyn wagtda muzeýiň işi bilen bagly belli bir çözgüdi habar etmegine garaşylýar. Fransiýanyň hökümetiniň soňky maglumatlary boýunça, ýurtda koronawirus bilen kesellänleriň sany 100-e ýetdi.
Koronawirus zerarly Luwry wagtlaýyn ýapdylar
- 04.03.2020 11:25
- 6k+