Hünärmenler agşamyna doýup naharlanmagy maslahat bermeýärler, ýöne sähel garbanma gadagan hem däl. Ol ukyny hem gowulandyryp bilýär. Dietologlar ýatmazyňdan öň peýdaly bolan ýeňil, ýöne şol bir wagtda ýokumly önümleri atlandyrdylar. Bu barada Health.news habar berýär.
Hünärmenler giçki garbanmanyň düzüminde 200-den köp kaloriýa saklanmaly däldigini belleýärler.
Meselem, lukmanlar giçki agşamlyk üçin gyzyl balykly we gök önümli işdäaçary ýa-da awokado bilen ýumurtgany maslahat berýärler.
Munuň üçin kädi çigitli banan pýuresi, süýji ýeralma, çig gök önümli humus, ülje pirogy we kiwi hem gabat gelip biler.
Hünärmenler başga wariantlaryň hem bolup biljekdigini aýdýarlar. Ýöne esasy zat iýmitiň energetik gymmatlygy bellenilen görkezijiden ýokary bolmaly däl.
Ýöne şonuň bilen bir wagtda hünärmenler iýmiti diňe güýçli açlygy duýan wagtyňda kabul etmelidigini hem-de muny islendik ýagdaýda-da endige öwürmeli däldigini nygtaýarlar. Ertirlik wagtynda doýup iýmeklik bolsa maslahat berilýär.
Lukmanlar ukudan öň peýdaly bolan ýeňil önümleri atlandyrdylar
- 02.03.2020 16:41
- 7.9k+
