Xiaomi SIM kartalary we microSD-ini birleşdirdi

Tiz wagtdan Xiaomi-niň çözgütler assortimentiniň SIM karta bilen üsti ýetiriler. Ýöne adaty SIM bilen däl-de, belli bir göwrümli içki fleş-ýatly SIM bilen. Şeýle ýagdaýda täze önüm iki sany roly, ýagny, adaty SIM görnüşinde aragatnaşygy üpjün etmek, şol bir wagtda microSD görnüşinde maglumatlary saklamak rollaryny ýerine ýetirer. Şeýle kartoçka microSD kartoçkalary üçin göz öňünde tutulýan aýratyn böleklerden “mahrum edilen” smartfonlar üçin niýetlenilen: köplenç bular öňdebaryjy modeller, kähalatlarda-orta derejedäki smartfonlar. Bu çözgüt 4K we 8K ygtyýarly wideolary düşürmek üçin hem oňaýly bolar, şeýle smartfonlaryň sany gün geçdigiçe artýar.
Xiaomi şeýle kartoçkany eýýäm patentledi, onuň çykmagyna-da garaşylýar, ýöne möhleti heniz atlandyrylanok. Mümkin, kompaniýa operatorlar bilen hyzmatdaşlyk şertnamalaryny baglanyşmak gerekdir.
Şonuň bilen birlikde, Xiaominiň önüminde hiç hili ýokary innowasionlygyň ýokdugyny hem belläp geçmeli. Meselem, geçen ýylyň ahyrynda Hytaýda Ziguang ýerli kompaniýasynyň 32, 64 ýa-da 128 GB göwrümli içki fleş ýatly Super SIM-niň satuwy başlady. Ony işläp düzüjiler tehnologiýany kämilleşdirmegiň çäklerinde Super SIM-iň fleş-ýadynyň göwrümini 1TB çenli artdyrmaga wada berýärler. Xiaominiň SIM-kartalarynda näçe fleş-ýadyň boljakdygy bolsa habar berlenok.