2020-nji ýylyň 1-nji martyndan Türkmenistanyň çägine getirilende hem-de Türkmenistanyň çäginden daşary alnyp gidilende gümrük paçlary bellenen käbir harytlaryň täze sanawy hem-de gümrük pajynyň möçberi herekete girdi.
Degişli Karara Türkmenistanyň Prezidenti Gurbanguly Berdimuhamedow gol çekdi.
Bu resminama Türkmenistanyň önüm öndürijilerini höweslendirmek, olaryň bähbitlerini goramak we öndürýän harytlarynyň bäsleşige ukyplylygyny ýokarlandyrmak, şeýle hem söwda dolanyşygyny düzgünleşdirmek maksady bilen kabul edildi.
Maliýe we ykdysadyýet ministrligine, Döwlet gümrük gullugyna Adalat ministrligi bilen bilelikde Karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak hem-de Ministrler Kabinetine bermek tabşyryldy.
Türkmenistanda import we eksport üçin gümrük paçlaryna degişli harytlaryň täze sanawy güýje girdi
- 01.03.2020 14:05
- 11k+
