Koronawirus zerarly Ženewa awtosalony hem ýatyryldy

Halkara Ženewa awtosalony (- – GIMS) soňky pursatda ýatyryldy.
Degişli habar motor-şouň resmi saýtynda peýda boldy. Bu çäre sentýabra geçirilýär. Belläp geçsek, her ýylda bu tomaşany gurnaýjylaryň Şweýsariýanyň hökümetiniň degişli kararyndan soň başga çykalgasy galmady.
Şweýsariýanyň hökümeti şu gün irden 1000-den köp adamyň bir ýerde köpçülikleýin ýygnanmagyny resmi taýdan gadagan etdi. Gadagan etme 15-nji marta çenli hereket eder. Bu Ženewada 90-njy ýubileý awtosalonynyň hem resmi taýdan ýatyrylandygyny aňladýar. Awtosalon köpçülik üçin öz gapylaryny 3-nji martda açmalydy we ol 15-nji martda tamamlanmalydy. Awtosalonyň açylyş dabarasy “Ýylyň awtomobili” bäsleşiginiň netijesini yglan etmekden başlanmalydy. “Awtosalonyň ýatyrylmagy biziň kararymyz däl. Biz hökümetiň maslahatlaryny berjaý etmeli” – diýip, Ženewada awtosalonyň müdiri Oliwýe Rih çäräniň ýatyrylmagyna teswir berdi.
Ýatladyp geçsek, Ženewa motor-şounyň geçiriljekdigi ýa-da däldigi barada soňky pursata çenli dürli habarlar gelip gowuşdy. Ilki bilen “Autocar” neşiri awtosalonyň administrasiýa çeşmelerine salgylanmak bilen goňşy Italiýada bellige alnan epidemiýa ýaýrawyna garamazdan, onuň geçiriljekdigini habar berdi. Şeýle-de bolsa, awtosalonyň ýatyryljakdygy baradaky gürrüňler bes edilmedi.
27-nji fewralda motor-şouny gurnaýjylaryň Ženewadaky resmi bildirişi bu soraga nokat goýan ýaly etdi. Onda GIMS-iň wekilleri çäräniň meýilnama laýyklykda öz gapylaryny 2-nji martda açýandygy barada aýdylýan ýörite habarlaryny ýaýratdylar. Bu güne “Ýylyň awtomobili Ýewropa-2020” bäsleşiginiň baýragynyň gowşurylyş dabarasy bellenilipdi.
“Biz gynanç bilen Ženewa awtosalonynyň ýatyrylýandygyny habar berýäris. Çäre has giç möhlete geçirilip bilinmez. Bu onuň masştaby zerarly mümkin däl” – diýip, sergini gurnaýjylar belleýärler.