Canalys analitik kompaniýasy 2019-njy ýylyň jemi boýunça smartfonlaryň halkara bazarlarynyň derňewiniň netijesini neşir etdi we smartfonlaryň iň köp satylýan modellerini atlandyrdy. Bu barada ixbt.com web-saýty habar berýär.
Reýtingiň köp bölegini iPhone smartfonunyň dürli modelleri eýeledi. Satuwyň lideri iPhone XR boldy, ikinji ýeri bolsa iPhone 11 eýeledi. Onuň yzyndan Samsung Galaxy A10, A50 we A20 gelýär. Gyzykly ýeri hem, bu reýtingde Xiaomi kompaniýasy özüniň Redmi Note 7 smartfony bilen ýeke-täk hytaý kompaniýasy boldy.
Eger-de tutuş ýyly göz öňünde tutman, diňe dördünji çärýegi alsak, bu ýerde eýýäm biraz üýtgeşme bolup geçýär. Ýylyň soňky çärýeginde iPhone 11 lider boldy. Şonuň bilen birlikde çärýek boýunça Android-li smartfonlaryň arasynda koreý Samsung-y däl-de, hytaý kompaniýasy Xiaomi-niň Redmi Note 8 smartfony geçen ýylyň dördünji çärýeginiň jemi boýunça dünýäde Android-iň binýadyndaky iň köp satylýan smartfon boldy. Ol Samsung Galaxy A10s, A20s we A30s smartfonlaryndan öňe geçdi. Onlugy Redmi Note 8 Pro jemleýär.
Redmi Note 8 dünýäde Android-li iň köp satylýan smartfon boldy
- 28.02.2020 22:48
- 8.6k+
