Koronawirus zerarly meşhur MWC 2020 sergisiniň ýapylandygyna garamazdan, çärede görkezilmegi göz öňünde tutulan tehnika barada kesgitli informasiýalar bar. Esasanam, ekspertler geçirilmedik serginiň iň gowy smartfonuny belli etmegi başardylar. Bu barada oane.ws habar berýär.
Ilkibaşda ondan gowrak kompaniýa MWC 2020 sergisine gatnaşmak islemeýändigini mälim etdi, guramaçylar bolsa çäräni ýatyrmaly boldular, beýle ýagdaý onuň 33 ýyllyk taryhynyň içinde ilkinji gezek bolup geçdi. Şeýle-de bolsa, ünsi özüne çekmegi başaran gurluşlar öň meýilleşdirilen grafika boýunça baýraga eýe boldular. 26-njy fewralda OnePlus hytaý kompaniýasynyň müdiri Pit Lau firmanyň 7T Pro smartfonunyň “Iň gowy smartfon” baýragyna eýe bolandygy baradaky resmi habar bilen çykyş etdi. Serginiň inisiatorlarynyň belleýşi ýaly, bu mobil apparatynyň öňüne geçmek mümkin däl, ol özüniň tizligi, gowy programma üpjünçiligi we çalt zarýadlanma mehanizmi bilen tapawutlanýar. Model 6,7 dýuýmly AMOLED ekrany, 48 megapikselli üç yzky kamera, 4085 mA/sag sygymly batareýa bilen üpjün edilen. Umumy sanawda Huawei P30 Pro, Samsung Galaxy Fold we iPhone 11 Pro hem ýeňiji boldy.
MWC 2020 sergisi Kataloniýanyň merkezi Barselonada 24-26-njy fewralda geçirilmelidi, ýöne koronawirus zerarly çäre ýatyryldy. Guramaçylar howply epidemiýa ýaýrawy bilen baglylykda sergini şowly geçirmegiň mümkin däldigini belleýärler.
Geçen ýyl “Iň gowy smartfon” baýragyna Huawei Mate 20 Pro eýe bolupdy.
MWC 2020 sergisiniň iň gowy smartfony belli edildi
- 28.02.2020 22:34
- 5.8k+
