Alymlar süýdüň gije-gündizde kabul edilmesi amatly bolan mukdaryny anykladylar. Köp adamlar süýdi gündeki iýmit rasionyna girizýärler. Ol kofä, şülä goşulýar ýa-da arassa görnüşde kabul edilýär.
Saglygy goraýşyň Garward mekdebiniň alymlary süýdüň ABŞ-nyň we beýleki ýurtlaryň dietologlary tarapyndan maslahat berlen önümleriň hataryna girýändigini aýtdylar. Her bir adam günde üç ýa-da şondan gowrak stakan süýt içmeli. Bu mukdary peýnir ýa-da beýleki süýt önümleri bilen çalşyrmak hem bolýar.
Özleriniň täze işinde alymlar bu kesgitlenen norma ünsli çemeleşmegi tabşyrýarlar, sebäbi aslynda onuň mukdary indiwidual taýdan kesgitlenilmeli. Eger-de adam sagdyn iýmitlenmek ýörelgesini alyp barýan bolsa, onda ol günde iki stakan süýt içip biler. Garşylyklaýyn ýagdaýda bu mukdary üç stakana çenli artdyrmaly.
Hünärmenler ýokary düzümli şeker we krahmally rasionda süýdüň zerur bolan iýmit maddalarynyň üstüni ýetirip biljekdigini belleýärler. Ol mekdebe çenli we mekdep ýaşyndaky çagalary iýmitlendirmek üçin hem zerur. Muňa garamazdan, iň ýokary mukdar günde iki stakandan ýokary geçmeli däl. Berhiz balansirlenen ýagdaýynda süýdüň peýdasy peselýär.
Alymlar sygyr süýdüniň günlik amatly mukdaryny aýtdylar
- 28.02.2020 00:07
- 6.5k+
