Microsoft Windowsda “Pusk” menýusyny täzeleýär

Microsoft kompaniýasy Windowsda plitkaly interfeýsi aýyrmak bilen “Pusk” menýusyny täzelär. Bu barada ony işläp düzüjilere salgylanmak bilen piter.tv habar berýär.
“Plitkalaryň” ulanyjylaryň has köp ulanýan programmalarynyň sanawy bilen çalşyryljakdygy bellenilýär. “Pusk” menýusynyň üýtgedilmegi täzelemäniň ýakyn wagtdaky tapgyrlarynda göz öňünde tutulan we ol 2021-nji ýyla çenli ýerine ýetiriler. Kompaniýa menýuny häzirki elementleriň ýörgünli däldigi sebäpli üýtgetmek isleýär.
“Plitka” Windows 8 bilen birlikde 2012-nji ýylda ýüze çykdy. Onda programmalaryň ýarlyklary, internet hyzmatlaryna salgylanmalar, wijetler we habar beriji informasiýalar ýerleşdirilen. Şeýle dizaýn Windows 10-yň mobil wersiýasynda ulanylypdy.
Plitka elementleri eýýäm Windows 10X-iň şekili işläp düzüjiler tarapyndan fewralyň başynda hödürlenilen menýusyndan ýitdi. Žurnalistler Windowsyň nusgawy wersiýalarynyň geljekki täzelemelerinde dizaýn çözgüdi Windows 10X –den alnar diýip hasaplaýarlar.
2019-njy ýylyň ahyrynda Microsoft Windows-yň täze grafiki konsepsiýasyny hödürledi. Dizaýnerler uly belgileriň peýdasyna ýasy belgilerden ýüz öwürmek bilen, ulgamlaýyn programmalaryň we Office paket programmasynyň täzelenen logotiplerini görkezdiler.