Vivo Apex bäş minudyň içinde 50%-e çenli zarýadlanyp biler

Tiz wagtdan zarýadlanmasy boýunça rekordsmen boljak Vivo Apex smartfonunyň tanyşdyrylyş dabarasy geçiriler. Kuwwatlylygy 120 Wt bolan tiz zarýadlanmanyň Super FlashCharge tehnologiýasynyň kömegi bilen smartfon bäş minudyň içinde 50%-e çenli we 13 minudyň içinde bolsa 100%-e çenli zarýadlanyp bilýär. Bu barada actualnews.org habar berýär. Bu täze önümiň aýratynlygy ekranasty frontal kameradan ybarat.
Aslynda bu täze smartfonuň anonsy ozalky hepde geçirilmelidi, ýöne Mobile World Congress 2020 sergisiniň ýatyrylmagy bilen onuň anons senesi süýşürildi.
Vivo kompaniýasy Vivo Apex smartfonunyň esasy aýratynlyklary barada aýdylýan iki sany posterini neşir etdi. Smartfon suraty täzeleme ýygylygy 120 Gs bolan ekrana eýe bolar. Yzky panel esasy kameranyň tegelek blogyndan we iki sany datçikden ybarat. Korpusyň ýokarky bölegi periskop zumynyň bardygyny görkezýär. Öňki modeller ýaly Vivo Apex 2020 hem düwmeler we bölekler bilen üpjün edilmedi. Apparatyň akkumulýatorynyň sygymy 4000 mA/sag barabar. Ýöne, gynansak-da, bu smartfon barada başga maglumat ýok. 
Ýatladyp geçsek, Vivo Apex 2018 frontal kameranyň korpusdan öňe çykyp bilýändigi baradaky ideýany öňe sürdi, Vivo Apex 2019 bolsa smartfonlara dolandyryşyň fiziki düwmeleriniň hökmany däldigini görkezdi.