“Akylly” kontakt linzasy reňkini üýtgetmek bilen göz keselini anyklap bilýär

Adamda göz keseliniň bardygyny ýüze çykarandan soň reňkini üýtgetmäge ukyply bolan özboluşly “akylly” kontakt linzasy döredildi. Ol keseli anyklaýyş işini real wagt režiminde amala aşyrýar. Bu barada actualnews.org habar berýär.
Bu “akylly” linzanyň üstünde HHR-niň ylymlar Akademiýasynyň garamagyndaky öňdebaryjy tehnologiýalaryň Şençžensk institutynyň hünärmenleri iş alyp bardylar. Bu gurluş göz basyşyndaky üýtgeşmeleri ýa-da çyglylygyň üýtgeýşini operatiw tertipde şöhlelendirmäge ukyply. Göz bilen bagly mesele bar bolan ýagdaýynda ol özüniň reňkini üýtgetmek bilen bolýar. Geljekde bu linza adamyň gözüniň saglygyna täsir edýän kseroftalmiýany, glaukomany we beýleki birnäçe näsazlyklary anyklamak maksady bilen ulanylar diýlip çaklanylýar. Bu önüm polimeri öz içine alýan bioylalaşyjy gidrogelden ybarat.
Linzany döreden awtorlar onuň möhümdigini belläp geçýärler, çünki göz bilen bagly keselleriň sebäbini öz wagtynda ýüze çykarmak gerek. Bu üstünlikli bejergi etmegiň mümkinçiliklerini hem artdyrýar. Şol bir wagtda amala aşyrylan bu pikir täze däl, sebäbi derman kabul edilen ýagdaýynda reňkini üýtgedýän ýa-da diabetiklere ganyň düzüminde glýukozanyň derejesiniň durnuksyzlygyny duýdurýan kontakt linzalary eýýäm bar.