WebsiteToolTester kompaniýasy Internetiň işleýiş tizligini, şeýle-de, soňky ýyllaryň içinde dürli ýurtlarda bu tizligiň üýtgeýiş göterimini seljerdi we Internet torunyň ösdürilmegine haýsy döwletleriň has köp serişde sarp edýändigini anyklady. Bu reýtingde Taýwan lider boldy, ol ýerde Internetiň tizligi iki ýylyň içinde 47% artdy, ýagny, 5 Gb göwrümli filmi sekiz minudyň içinde ýükläp bolýar.
WebsiteToolTester kompaniýasynyň saýtynda habar berlişine görä, reýtingiň ikinji ornuny Singapur, üçünji ornuny Jersi, dördünji ornuny Şwesiýa eýeledi, liderleriň bäşligini Daniýa jemleýär.
Iň tiz internetli ýurtlaryň reýtinginiň ýigrimiligine Ýaponiýa, Lýuksemburg, Niderlandiýa, Şweýsariýa, Norwegiýa, Andorra, Ispaniýa, Belgiýa, ABŞ, Latwiýa, Täze Zelandiýa, Estoniýa, Gonkong, Wengriýa we Litwa hem goşuldy.
Russiýa 207 orundan Bolgariýa, Madagaskara, Rumyniýa, Makao we Barbadosa ýol bermek bilen 53-nji orny eýeledi. Hasabata görä, bäş gigabaýt göwrümli wideony ýüklemek üçin Russiýada 45 minut 51 sekunt gerek bolýar.
Iň soňky orun Ýemen döwletine degişli boldy, ondan öňki orunda Mawritaniýa ýerleşdi.
Interneti tiz işleýän ýurtlaryň reýtingi neşir edildi
- 25.02.2020 23:09
- 10k+
