Ixbt.com web-saýtynyň habar bermegine görä, Xiaomi kompaniýasy hereket etmegiň täze görnüşi, ýagny No.9 Electric Bicycle C40 elektrik welosipedi üçin gerekli serişdeleri ýygnap başlady.
No.9 Electric Bicycle C40 diýlip atlandyrylan welosiped daşky görnüşi boýunça mopede meňzeş. Onuň agramy 1,6 m uzynlykda 55 kg deň. Welosiped täze nesliň akkumulýatory (onuň agramy bary-ýogy 6 kg) bilen üpjün edilen, öndürijiniň aýtmagyna görä, onuň zarýady 45 km ýoly geçmäge ýetýär.
Welosiped amortizasion wilka, EABS togtama güýjüni paýlama we rekuperasiýa sistemasyna eýe boldy - ol akkumulýatory togtama wagtynda zarýadlamaga mümkinçilik berýär. No.9 Electric Bicycle C40 smartfon arkaly integrasiýany hem göterýär. Mobil gurluşyň üsti bilen hereketlendirijini işletmek we režimlere geçirmek bolýar (Drive, Parking).
Öndüriji akkumulýatora we elektronika 3 ýyl, elektromotora 6 ýyl, ramasyna bolsa möhletsiz garantiýa berýär.
Ýatladyp geçsek, 2010-njy ýylda esaslandyrylan Xiaomi kompaniýasy elektronikanyň önümçiligi boýunça dünýäde liderleriň biri hasaplanylýar.
Xiaomi täze elektrik welosipedini çykardy
- 23.02.2020 21:13
- 3.7k+
