Snapchat islendik tekizligi lawa ýa-da suwa öwrüp bilýän täze filtrleri girizdi. Filtriň ikisi hem tekizligiň geometriýasyny kesgitlemek we jaýy suwda şöhlelendirmek ýaly effekti ulanmak üçin maşynlaýyn bilim tehnologiýasyny peýdalanýar. Bu barada “Engadget” neşirine salgylanmak bilen delo.ua habar berýär.
Reallyga has ýakynlyk — gitdigiçe aktual ýörelgä öwrülýär. Snapchat we Facebook hem özleriniň AR-effektler kitaphanasyny giňeltmegini işjeň dowam etdirýärler. Olaryň kömegi bilen ýüzüň göwrümini we formasyny, jynsy üýtgetmek, şeýle-de interaktiw oýunlary oýnamak bolýar. Indi bularyň üstüne daşky gurşawy üýtgetmeklik hem goşuldy.
Täze linzalar Instagram bilen AR-effektleriň ýaryşynda Snapchata belli bir wagta çenli liderlik etmäge mümkinçilik berýär. Hiç bolmanda, Instagramyň şuňa meňzeş nämedir bir zatlary döretmegine çenli.
Snapchat kompaniýasynda Snap’s Lens Studio, ýagny professionallar, şeýle-de, söýüjiler ulanyp biler ýaly Snapchat linzalaryny döretmek üçin platforma ýüze çykandan soň, kompaniýa hudožnikler, brendler, işläp düzüjiler we inflýuenserler bilen bilelikde AR-komýunitini (gyzyklanmalary ýakyn bolan adamlar topary) ösdürmegini dowam etdirýär.
Snap’s Camera platformasynyň wise-prezidenti Eýtan Pilipski 2019-njy ýylyň dekabrynda CNET neşirine Snap işläp düzüjiler birleşigi tarapyndan häzirki wagta çenli 600 müň töweregi dürli linzalaryň döredilendigini, olaryň hem ulanyjylar tarapyndan 15 mlrd gezek ulanylandygyny habar berdi.
Snapchat tekizligi lawa öwürýän täze filtrleri girizdi
- 23.02.2020 20:59
- 4.1k+
