Bilermenler mobil oýunlar bazaryny seljerdiler hem-de fewral aýynda Hytaýda oýunlaryň smartfonlara ýüklenip alynmagynyň möçberiniň birden artandygyny ýüze çykardylar. Analitikleriň pikirine görä, mobil oýunlarynyň meşhurlygynyň artmagynyň sebäbi koronawirus bolup biler. Bu barada ferra.ru habar berýär.
Bu ugurdan statistikany «Financial Times» neşir etdi. Žurnalistleriň berýän maglumatlaryna görä, fewral aýynyň 2-sinden 9-y aralygynda hytaýlylar AppStore-den geçen ýylyň degişli döwri bilen deňeşdirilende, 40% köp oýun ýükläp aldylar. Jemi 212 milliondan gowrak ýükläp almaklyk hasaba alyndy. Ýüklemeleriň içinde mobil oýunlar ýükleme sany boýunça öňdeligi eýeledi. Şunuň netijesinde iri oýun öndüriji kompaniýa bolan Tencent-iň paýnamalarynyň bahasy ýokarlandy.
Analitikleriň pikirine görä, hytaýlylaryň mobil oýunlaryny oýnamaklarynyň sebäbi — olara başga meşgullanara hiç zat ýok. Çünki ýurduň çägindäki kärhanalaryň aglabasynda karantin (çäklendirme) hereket edýär. Bu karantin koronawirusyň ýaýramagy zerarly gorag hökmünde görlen çäredir.
Hytaýlylar koronawirus sebäpli mobil oýunlarynyň rekord möçberini ýükläp aldylar
- 21.02.2020 22:38
- 9.6k+
