Amerikalylar “21-nji asyryň giperkaryny” çykardylar

Czinger ýaş amerikan kompaniýasy özüniň ilkinji modelini – orta motorly 21C giperkaryny hödürledi. Bu barada brendiň metbugat gullugy habar berýär. Onuň ady “21 Century” (“21-nji asyr”) diýlip terjime edilýär. Premýerasy 3-nji martda Ženewadaky awtosalonda geçiriljek bu giperkar “dünýäde iň tiz awtomobil” diýen ada dalaşgärlik edýär, bu barada speedme.ru habar berdi.
Gibrid giperkary 400 km/sag çenli bat almaga we 29 sekundyň içinde doly saklanmaga ukyply. Şeýle maglumatlary hünärmenler getirýär. Bu Koenigsegg Regera şwed giperkarynyň geçen ýylyň güýzünde goýan rekordyny hem täzeläp biler.
Czinger 21C giperkary 100 km/sag çenli 1,9 sekundyň içinde bat alyp bilýär. Ulagyň maksimal tizligi 432 km/sag barabar.
Awtomobil 2,88 litr benzin turbo-hereketlendirijisinden we öňdäki merkezde ýerleşdirilen iki sany elektromotordan ybarat bolan güýçli gibrid gurluşy bilen üpjün edilen. Enjamyň jemi kuwwatlylygy 1250 at güýjüne deň. Herekete geçiriji guty – ýedi basgançakly “robot”.
Awtomobil baradaky jikme-jik maglumatlar onuň tanyşdyrylyş dabarasynda mälim ediler.