Tim Kuk koronawirusyň Apple kompaniýasyna nähili täsir ýetirendigini aýtdy

Tim Kuk kärdeşlerine koronawirus bilen bagly ýagdaýa degişli bolan ýatlamasyny iberdi. Onda ol kompaniýanyň wirus bilen nähili göreş alyp barýandygyny we wirusyň kompaniýa nähili täsir edendigini gürrüň berdi.
Apple kompaniýasynyň ýolbaşçysy Hytaýdaky kärdeşler, hyzmatdaşlar, müşderiler we öndürijiler baradaky aladanyň zerur hasaplanýandygyny ýatlap geçdi.
— COVID-19 Apple maşgalasynda köpleriň durmuşyna aralaşdy, men hemmelere olaryň wepalylygy, duýgudaşlygy, düşünýändikleri we aladasy üçin sagbolsun aýdasym gelýär. Häzirki günde biz saglygy goraýşyň çäklerinde taryhy we global jogap çärelerini goldamak üçin bagyş edýän zatlarymyzy iki esse artdyrdyk.
Işgärler, hyzmatdaşlar, müşderiler we Hytaýda Apple-iň öndürijiler bileleşigini emele getirýän adamlar baradaky alada biz üçin birinji derejeli bolup durýar. Men Apple-iň COVID-19-a garşy global reaksiýasyny yhlasly we oýlanyşykly dolandyrmakda toparymyzda gije-gündiz zähmet çeken adamlara hem minnetdarlyk bildiresim gelýär.
Hytaýyň ähli ýeri boýunça korporatiw edaralar we aragatnaşyk-merkezleri gaýtadan açyldy, biziň dükanlarymyz ýene-de açylyp başlady, ýöne biz kadaly şertlere çak edişimizden haýal dolanýarys.
Men mart çärýegi üçin göz öňünde tutan girdejilerimize garaşmaýandygymyzy bellemek üçin biziň aksioner we maýa goýujy birleşiklerimiz bilen hem bu habary paýlaşdym. Hytaýyň çäklerinde häzirki günde biziň önümlerimiziň ähli kategoriýalaryna bildirilýän islegler we hyzmatlar ýokary derejede bolmak bilen biziň eden tamamyza laýyk geldi. Apple güýçli kompaniýa, biznesiň bu pese düşme ýagdaýy bolsa wagtlaýyn häsiýete eýedir.
Biziň häzir we hemişe birinji ýerde goýýan zadymyz – bu biziň işgärlerimiziň, önümçilik boýunça hyzmatdaşlarymyzyň, müşderilerimiziň we biziň işleýän birleşiklerimiziň sagdynlygy we howpsuzlygydyr – diýip, Tim Kuk belleýär.
Şu gün Apple iPhone-iň önümçiliginiň tutuş dünýä boýunça Hytaýdaky karantin zerarly wagtlaýyn peselýändigini habar berdi.