Koronawirus zerarly pnewmoniýanyň ýaýrap başlan wagtyndan bäri, Hytaýda eýýäm 12 müň 500 sany näsag bejerildi. Bu barada Xinhua agentligi Hytaýyň Saglygy goraýyş meseleleri boýunça milli geňeşine salgylanyp habar berýär. «Duşenbe günüň ahyryna çenli ýagdaýa görä, täze koronawirus bilen kesellän näsaglaryň 12 552 sanysy doly sagalandan soň, hassahanalardan çykaryldy» diýip, Xinhua ýazýar.
Bellenilişi ýaly, diňe soňky birnäçe günüň içinde HHR-iň hassahanalaryndan 1700 adam çykaryldy.
«Bu kesel zerarly 1868 adam aradan çykdy. Bu kesel bilen kesellänleriň sany 72 436-a ýetdi» diýlip habarda bellenilýär.
Belläp geçsek, Türkmenistanda täze koronawirus bilen kesellemäniň bir ýagdaýy hem hasaba alynmady.
Hytaýda koronawirusdan eýýäm 12,5 müň näsag sagaldy
- 18.02.2020 22:33
- 9.9k+
